Қашаған кен орнында жаңа газ өңдеу зауыттары іске қосылады

Ішкі нарық үшін тауарлық газ өндірісін ұлғайту жөніндегі осы және өзге де жоспарлар Үкіметте өткен кеңесте талқыланды. Қашаған кен орнында ашылатын жаңа нысанның қуаты 1 млрд кубометр газ өндіруге қауқарлы. Оған қоса кен орнында мұнай өндіру көлемін ұлғайту аясында қуаты 4 млрд кубометр болатын тағы бір ірі газ зауытының құрылысы пысықталуда. Жобаны екі кезеңде, яғни 2 млрд кубометрден екі желі бойынша іске асыру жоспарлануда. Жақын арада Үкіметте жаңа газ зауыты бойынша Жол картасын қабылдау жоспарланып отыр.