Петропавловскда уруш тўғрисида фильм суратга олинмоқда

Петропавловскда уруш тўғрисида фильм суратга олинмоқда

Шимолий Қозоғистон вилоятида Улуғ Ватан уруши тўғрисида бадиий фильм суратга олиняпти. «Қора қиз» деб аталган бир ярим соатлик картинанинг кўп қисми Петропавловск ўрмонларида тасвирга туширилади. Лентанинг сценарий муаллифи ва режиссёри – кинодраматург, Қозоғистон халқ артисти Талғат Теменов. Картина премьераси келаси йил баҳорига мўлжалланган.

Жўмарт Зейнабил, режиссёр ассистенти:

– Уруш ҳам, бирор инсон ҳам севишган юраклар қовушишига моне бўла олмайди! Ота линияси ҳам бор. У ўғлининг ортидан урушга боради, уни ахтаради, ниҳоят учратганида эса бир оғиз сўз айтолмай жон беради.

Ерлан Қулмурзин, актёр:

- Қаҳрамонимнинг исми Асқарбек, оддий қишлоқ йигити, уруш йилларида фронтга чақирилади, жасорат кўрсатади. Ушбу фильмда оғир саҳналар жуда кўп, ҳозирча ҳамма сирни очмайман, томошабинга қизиқ бўлишини истайман.