Торли чолғу асбоблари кўргазмаси

Дўмбира куни арафасида Қозоғистон Республикаси Марказий давлат музейида халқ мусиқа асбобларидан иборат кўргазма очилди.  175 та экспонат томошабинлар эътиборига тақдим этилди. Улар орасида қозоқ маданияти арбоблари - Амре Қашаубаев, Жаяу Муса, Куляш Байсеитовага тегишли бўлган бебаҳо чолғу асбоблари ҳам бор.

Қайрат Байбўсинов, Қозоғистон халқ артисти:

- Музейда буюк шахсларнинг шундай ноёб чолғу асбоблари сақланаётгани фахр ҳиссини уйғотади. Кўргазма қизиқарли. Томоша қилишга арзигулик.

Рашида Харипова, Қозоғистон Республикаси марказий давлат музейи директори:

- Дўмбира қозоқ халқининг қалби, содиқ ҳамроҳи бўлган. Бизнинг қимматбаҳо мулкимиз. Бутун бошли сана шу созга бағишлангани жуда қувончли. Ушбу коллекциямиз биринчи навбатда ёшларни қизиқтиришини жуда истардик.

Абдумалик Сарманов таржимаси.