Президент Пеле вафоти муносабати билан ҳамдардлик билдирди

У футболга садоқат тимсоли бўлиб қолаверади. Қосим-Жўмарт Тўқаев Бразилия президенти Жаир Болсонаруга афсонавий футболчи, уч карра жаҳон чемпиони Пеле вафоти муносабати билан ҳамдардлик телеграммаси йўллади. Давлат раҳбари таъкидлаганидек, жаҳоннинг энг буюк спортчиларидан бири сифатида у футбол дунё бўйлаб оммалашишига ҳисса қўшди. Президент фикрича, Пеле кўпчилик учун намуна бўлган, мазкур спорт турини юксакка кўтарган. Таъкидлаш лозимки, «футбол қироли» Пеле 29 декабрь куни, 82 ёшида вафот этди.

Абдумалик Сарманов таржимаси