Магнит майдони – абадий энергия манбаи бўла олади

Магнит майдони – абадий энергия манбаи бўла олади

У резонанс ғалтак ёрдамида юқори частотали магнит майдони воситасида суткасига 24 соат электр қуввати берувчи ускуна яратди. Генератор қуввати битта оиланигина эмас, деҳқон хўжалигини ҳам электроэнергия билан таъминлашга етади. Бу эса жуда юқори кўрсаткич. Кашфиётчи 6 йиллик синовлардан сўнг ўз ихтиросини кўпчиликка намойиш этди.

Қуанишбек  Алишеров, ихтирочи:

- Ускунада машина корпуси вазифасини бажарувчи ғалтак бор. Айланаётган ғилдиракли магнит ичкаридаги ротор каби таъсир кўрсатади. Тузилишда фарқ бўлгани билан, ишлаш принципи бир хил.

Истиқболли лойиҳани Тароз таълим даргоҳларидан бири қўллаб-қувватлади. Олимга 2 миллион тенге ёрдам пули берилди. Университетда таъкидлашларича, ушбу ноу-хау истеъмолчиларнинг анъанавий энергия манбалари ҳамда экологик тоза, лекин ниҳоятда қиммат қайта тикланувчи энергия манбаларига муҳтожлигини бартараф этади.

Сеитжан Ўринбаев, Тароз минтақавий университети департаменти директори:

- Биз бу ускунани далаларда ферма очганларга ҳамда доимий энергия манбаларига уланмаган дала ҳовли эгаларига таклиф этмоқчимиз. Чунки олисдаги манзилгоҳлар учун мукаммал ечим тақдим этилган.