2023 жылы Қарулы Күштерде мыңнан астам жауынгерлік дайындық шаралары өткізілді

Қазақстанның Қорғаныс министрлігі де 2023 жылдың қорытындысын шығарды. Ведомствоның мәліметінше, отандық әскери қызметшілер басқа елдердегі 24 оқу-жаттығу мен жарысқа қатысты. Олар тактикалық-арнайы даярлық деңгейінің жоғары екенін көрсетті. Жауынгерлік жаттығулар Түркия, Әзербайжан, Өзбекстан және Беларусь елдерінде өтті. Өз кезегінде еліміздің аумағында өткен жылы 6 халықаралық оқу-жаттығу ұйымдастырылды. Оған ұшу құрамдары, десанттық-шабуыл әскерлері, сондай-ақ әскери-теңіз күштері қатысты. Ал «Батыл тойтарыс-2023» стратегиялық командалық-штабтық оқу-жаттығуларының барысын Қазақстан Президенті – Қарулы Күштердің Жоғарғы Бас қолбасшысы Қасым-Жомарт Тоқаевтың басшылығымен және жеке  бақылауымен өтті. Жалпы, өткен жылы Қарулы Күштерде мыңнан аса жауынгерлік даярлық шаралары өткізілді. Олардың барлығы жеке құрамның далалық машығын жетілдіруге және бөлімшелерді жауынгерлік үйлестіруге бағытталды.