Дүниежүзілік көшпенділер ойынына дайындық қызды

V-Дүниежүзілік көшпенділер ойындарын ұйымдастыруға бас-аяғы 8 млрд теңге бөлінеді. Оның 3 млрд-қа жуығын демеушілер көтереді. Бүгін V-Дүниежүзілік көшпенділер ойындарын ұйымдастыру дирекциясы дода демеушілерімен меморандумға қол қойды. Осы келісім бойынша енді спортшылардың келіп-кетуі, жатар орны мен тамақтануы меценаттардың мойнында.  Осы мақсатта арнайы қор ашқан компаниялар да бар. айта кетейік, бәсі биік додаға әлемнің 100 елінен 3 мыңға жуық спортшы қатысады. Бүгінде 90 мемлекеттің құрамалары тіркеліп үлгерген.