Елордада «Ұлттық домбыра» күні тойланды
Өткен жылы Елбасымыздың шешімімен шілденің бірінші жексенбісі «Ұлттық домбыра күні» болып жарияланды. Жыл сайын атап өтілмек бұл мерекелік күннің ұлттық руханиятымызға қосар үлесі ерекше болмақ.
Домбыра – қазақтың киесі, қасиеті, қазынасы. Қазақ пен домбыра егіз ұғым. Күні кешеге дейін әр үйдің төрінде ілулі тұратын ұлттық аспабымыздың күмбірлеген үні бүгінде қайта жаңғырды.
Биыл 7 шілдеде Нұр-Сұлтан қаласында «Ұлттық домбыра күніне» арналған мерекелік концерт өтті.
Қазақ елі монументінің алдындағы алаңға ниет білдіргендердің барлығы қатысты. Домбырамен күмбірлеген қазақ күйлері барша қонақтар мен қала тұрғындарының ықыласына бөленді.
