Ет өңдеу зауыты салынады

Болгар бизнесмендері еліміздің оңтүстік өңірінде ет өңдеу зауытын салады. Жоба құны: 20 миллион еуро. Мұндай келісім бүгін Елдорда өткен Қазақстан-Болгария бизнес форумында жасалды. Бұдан бөлек, болгариялық серіктестермен ет пен сүт өнімдерін, бал, өсімдік майын өндіруде ынтымақтастықты дамыту көзделіп отыр. Бизнес-форумға екі ел басшылары да қатысты. Президент елімізде жұмыс істегісі келетін Болгария компанияларына қолайлы жағдай жасауға дайынбыз деді. Және елдер арасындағы байланысты жандандыратын салалар ретінде көлік-логистика, жаңартылатын энергия салаларын ерекше атады.