Еуропада коронавирус инфекциясы өсуде

Еуропада коронавирус жұқтырғандар саны қайта көбейді. Эпидемиологтардың айтуынша, омикрон штамының субварианттары инфекцияның кезекті толқынына әкелуі мүмкін. Қазірдің өзінде Австрия, Германия, Греция, Испания, Италия және Швейцарияда өсім байқалып отыр. Ковид-19-дың таралуы бойынша антирейтингте Португалия көш бастап тұр. Соңғы бір айда онда жарты миллионнан астам жаңа жұқтыру жағдайы анықталды, өз кезегінде мұнда өлім-жітім де артты. Францияда маусым айының басынан бері науқастар саны екі есеге өсті. Жергілікті билік тұрғындарға, әсіресе, қарт адамдарға тағы да ревакциналаудан өтуге кеңес беріп жатыр.