Қабілеттерді тестілеу: қажеттілік пе, әлде маркетингтік құрал ма?

Әр адамның бойында басқалармен қарым-қатынас жасау, мақсатқа жету үшін күнделікті қолданатын қабілеттер болады. Бүгінде сол қабілеттерді анықтайтын тесттер баршылық. Олардың ішінде әлем бойынша танымалы Gallup CS34 тесті.

2023 жылы әлем бойынша Gallap тестін 30 миллиондай адам тапсырған. Қабілеттер мен дағдыларды, әлсіз және мықты тұстарды білуге деген мұндай үлкен сұраныс нені білдіреді?

Осы бағытта мектеп бітірген түлектерге, тіпті кәсіпкерлерге бағыт бағдар беретін профориентолог мамандар көбейіп келеді. Бұл бизнес көзі ме, әлде қажеттілік пе?

Кәсіби бағдар берудің кілтіне айналған бұл сала әр адамның жетістікке жетуіне кепіл бола ала ма?

Көкейдегі көп сауалға Адами капиталды дамыту бойынша эксперт, профориентолог, Gallup CS34 тесті арқылы мансаптық даму және кәсіби бағдар беруші Бабур Әділхан жауап береді.