Тылсым дүние – Барлық шығарылым

11.05.2021 10:48

Әулие Вознесенск Кафедралық соборы

Тылсым дүние – бұл бірегей әсем жерлер, таңғажайып адамдар, маңызды оқиғалар мен ерекше құбылыстар туралы баяндайтын деректі және тарихи жоба. Қазақстанның әрбір елді мекенінде, шағын ауылдардан бастап, ірі қалаларына дейін мектептегі тарих оқулықтарынан жақсы таныс тақырыптар жайлы әлі де кеңінен зерттеле қоймаған маңызды мәліметтерге толы көптеген құжаттар, артефактілер мен куәліктер жетерлік. Жобаның түсірілім тобы еліміздің түпкір-түпкіріне саяхаттап, археологтармен, тарихшылармен, өлкетанушылармен, антропологтармен, шырақшыларымен, жиһанкездермен сұқбаттасып, көрерменді өзінің шынайы тарихымен таныстыру үшін дәйекті деректерден, аңыздардан, куәгерлердің белгілі жерге, оқиғаға, адамға қатысты тілге тиек еткен шынайы әңгімелерінің әр түйірінен, қолдағы бар құжаттарды жинап, тарихымыздың ғажап үлгісін тарту етеді. Әр бағдарлама сайын тың тақырып ұсынылады. Көрермен ежелгі дәуірдегі қазақ халқы мен еліміздің бай тарихының егжей-тегжейін біліп қана қоймай, өзі үшін ата-бабаларымыздың дүниетанымындағы жаңа мәдени қырларды ашады. Бізге мәлім көптеген дүниелердің қызыққа толы шығу тегін зерделеп, тек жаныңды ғана емес, тәніңді де сауықтыра алатын жерлер туралы хабардар болады.