Астаналық волонтерлер ардагерлерге құрмет көрсетті

Астананың тыл еңбеккерлері мерейтойлық медальдармен марапатталды. «Астана жастарының» еріктілері ардагерлерге төсбелгілер мен тәттіге толы себеттерін табыстады

Ұлболған Омарқызы соғыс басталғанда небәрі 5 жаста екен. Әкесі бригадир болған, ал анасы майдан үшін киім тіккен. Сол кезде тұлымшағы желбіреген кішкентай қыз ата-анасымен бірге егістікке шығып, күріш орып, қорға жинағанын еске алды. Апамыздың айтуынша, ол уақытта 8-9 жастағы балалардың бәрін жұмысқа тартқан.