Банктердің таза табысы 2 трлн теңгеден асқан

ForteBank Home Credit Bank-ті сатып алады. Қаржы нарығын реттеу және дамыту агенттігі ұйымға еншілес компания ретінде 100 пайыз акциясын алуға ресми рұқсат берді. ForteBank басқарма төрағасы Талғат Қуанышевтың айтуынша, бірігу екі банк үшін де тиімді болмақ. Home Credit әдеттегідей жұмысын жалғастыра береді. Еске салайық, осыдан он жыл бұрын «Альянс Банк» пен «Темірбанк» бірігіп, «ForteBank» болып құрылған еді. Содан кейін БТА Қазкоммерцбанкке қосылып, кейін Қазақстан Халық банкі Қазкоммерцбанк акцияларын сатып алды. Ал АТФ Банк Жусан банкке қосылды. Таяуда Жусан банк Алтын банк болып өзгерген. Қазіргі таңда Қазақстанда екінші деңгейлі 21 банк бар. Олардың таза пайдасы 2 трлн теңгеден асқан. Оның 60 пайызы негізгі үш ірі ойыншыға тиесілі. Олар — Халық банк, Каспий және Банк ЦентрКредит.