Egov Mobile қосымшасына кіру тек биометрия арқылы қолжетімді

Енді eGov Mobile қосымшасына кіру тек биометрияның көмегімен ғана қолжетімді болады. Бұл туралы «Ұлттық ақпараттық технологиялар» АҚ-ның баспасөз қызметі хабарлады. Әзірлеушілердің айтуынша, қосымшаға қосылу процесі әлдеқайда жеңілдеген. Ол үшін Digital ID бейне сәйкестендіруден өтіп, ЭЦҚ-кілтін алу қажет. Жаңадан енгізілген тетіктер азаматтарға көбірек функцияларды пайданалуға, сондай-ақ жеке деректердің қауіпсіздігін сақтауға мүмкіндік береді. Бүгінде  еGov Mobile қосымшасында 400-ге жуық мемлекеттік қызмет қолжетімді. Ай сайын оны 2,5 миллионға жуық қазақстандық белсенді пайдаланады.