Көкөніс қоймаларының сыйымдылығы 80 мың тоннаға жеткізілмек

Батыс Қазақстан облысының тұрғындары қыс-көктемде 65 мың тонна картоп пен көкөніс тұтынады. Бұрын бау-бақша өнімдерін сақтайтын қойма жетпей, кәсіпкерлер қиналатын. Қазір мәселе толық шешіліп, қамтылу деңгейі 100 пайыздан асты. Аймаққа барған Ауыл шаруашылығы министрі Айдарбек Сапаров заманауи көкөніс қоймасының құрылысымен танысты.

¤

Бәйтерек ауданында сыйымдылығы 14 мың тонналық көкөніс қоймасы салынып жатыр.  Осылайша шағын сауда нүктесінен басталған отбасылық кәсіптің көкжиегі кеңейді. Тараздан көшіп келген Мұсаевтар әулеті бау-бақша дақылын егу, қоймада сақтау және сатумен айналысады. Тұрақтандыру қорымен келісімшарт жасап, маусымаралық кезеңде 1 мың тонна картоп пен пияз, 500 тонна сәбіз, 300 тонна орамжапырақ өткізген.