Қазақстанның ішкі саясатының негізгі қағидаттары бекітілді

Мемлекет басшысының жарлығымен Қазақстанның ішкі саясатының негізгі қағидаттары, құндылықтары мен бағыттары бекітілді. Аталған құжат бірінші кезекте мемлекеттік органдарға арналған. Басты мақсаты – ішкі саясат саласындағы жұмысты жүйелеу әрі үйлестіру. Онда «Заң және тәртіп», «Халық үніне құлақ асатын мемлекет», «Түрлі көзқарас – біртұтас ұлт», «Күшті Президент – ықпалды Парламент – есеп беретін Үкімет», «Адал азамат», «Таза Қазақстан» секілді ішкі саясат қағидаттары қамтылған. Сондай-ақ, Ұлттық құрылтай отырыстарында көтерілген жалпыұлттық құндылықтардың тізбесі енгізілді. Жалпыұлттық бірегейлікті танытатын ұлттық нышандар жүйесі жасалды.