Кешіккен әуе рейсіне өтемақы төленеді

Жолаушыларға құлаққағыс. Енді әуе рейстері кешіксе, жылдам өтемақы алуға болады. Ол үшін билеттер сатылатын мобильді қосымшаға арнайы сервис қосылады. Бұл туралы көлік вице-министрі мәлімдеді. Талғат Ластаевтың айтуынша, қазір осы бағытта жұмыс жүріп жатыр. Жалпы, ұшақтардың кешігуі –  әуе компаниялар мен әуежайлар арасындағы ретсіз жұмыстың кесірінен туындайды. Сондықтан, бүгінгі үкімет отырысында жауапты министрлікке осы жұмысты ретке келтіру тапсырылды.