Қыста піскен құлпынай

Еліміздің өзге аймақтарында қақаған қыс. Ал, Кентауда құлпынай пісті. Қалаға қарасты Құсшы ата елдімекенінде тұратын шаруа 21 соттық жерден жылына 1 тоннадан аса өнім алып отыр. Ұлықбек Атаханова жылыжайына құлпынайдың 6 сортын еккен. Шығымы жаман емес. Әзірге тек кентаулықтарды қамтып отыр. Бағасы маусымға қарай құбылып отырады. Сәуір, мамыр айларында келісі шамамен 800-ден сатса, қысқы мезгілінде 5 мың теңгеден сатады.