Мәжіліс Қазақстан мен Қырғызстан азаматтарының құқығын қорғауға бағытталған құжатты қабылдады 

Ратификацияланған хаттамаға сәйкес тараптардың құқықтық қызмет көрсететін құзыретті мекемесі Бас прокуратура болып белгіленді. Бұған дейін бұл міндет Ішкі істер органдарына жүктелген болатын. Сонымен қатар тараптардың дипломатиялық арналар арқылы бір-бірін хабардар етуді көздейтін  бапқа өзгеріс енгізілді. Құжат екі елдің азаматтық және қылмыстық істер бойынша құқықтық көмек көрсету саласындағы екіжақты ынтымақтастығын одан әрі нығайтуға ықпал етеді деп күтілуде.