Павлодарлық әнші Оразбек Бақытхан Елдос Сметовке арнап ән шығарды

Елдостың ерлігі ақын-сазгерлердің де шабытын оятса керек. Павлодарлық әнші Оразбек Бақытхан Париж Олимпиадасының алтын жүлдегері Елдос Сметовке арнап ән шығарды.

Павлодарлық ақын Елдос Сметовтың белдесуінен емес, жарыс соңында берген сұхбатынан шабыттандым, - дейді. Әсіресе, Жақсылық Үшкемпіровтың батасын алған спортшының тәрбиесі тәнті еткен. Түнде тебіренген жыр шумақтарынан ұйқысы қашып, бірден қағаз бетіне түсірген. Іле, әннің әуені де ойға келе бастады, - дейді ол. Оразбек бұған дейін де бірнеше ән жазып, тыңдарманның жүрегінен орын ала білген. «Ұстаздар ұраны» атты әні бүгінде педагогтардың гимніне айналған.