Президент жұмыс сапарымен Өзбекстанға барды

Президент Қасым-Жомарт Тоқаев Өзбекстанға жұмыс сапарымен барды. Мемлекет басшысы Самарқанда бірнеше ауқымды халықаралық жиынға қатысады. Олар «Орталық Азия – Еуропа Одағы» саммиті мен «Жаһандық климат сын-қатерлері кезеңіндегі Орталық Азия» халықаралық конференциясы. Қасым-Жомарт Тоқаевты әуежайдан Өзбекстан Премьер-министрі Абдулла Арипов қарсы алды. Естеріңізге салайық, осыдан бір апта бұрын бауырлас ел басшысы Шавкат Мирзиёев Қазақстанда жұмыс сапарымен болды. Кездесуде тараптар қазақ-өзбек стратегиялық серіктестігін одан әрі тереңдету мәселелерін талқылаған еді.