АЭС – экологияға да, экономикаға да пайдалы

Атом энергетикасы – алдыңғы қатарлы елдердің экономикасында негізгі драйвер саналады. Өйткені, ол эконмикаға да, экологияға да өте тиімді. Сол себепті де АЭС-і бар елдердің асығы алшысынан түсіп тұр қазір. Ал, біздің қоғам атомның атын естісе болды, ат-тонын ала қашады. Неге?

Елдің экономикасы өсіп, электр энергиясына сұраныс жыл сайын артуда. Тіпті алдағы 15-20 жылда шам жағып күнелтіп кетуіміз әбден мүмкін. Энергия тапшылығы тек Қазақстанға ғана емес, бүкіл әлемге қауіп төндіріп тұр. Сондықтан, ғалымдар энергия өндірудің түрлі әдіс-тәсілін ойлап табуда. Күн, жел мен су арқылы жарық алатын құрылғылар көбейді.