Almaty TechCup: халықаралық робототехника чемпионаты

Almaty TechCup. Алматыда робототехника, жаңа технологиялар және бағдарламалау бойынша халықаралық чемпионат басталды. Ауқымды додаға елдің түкпір-түкпірінен және 5 елден келген мыңдаған оқушы қатысып, өзара бақ сынап жатыр.

«Алматы Арена» спорт кешені бүгін нағыз технология алаңына айналды. Мұнда елдің түкпір- түкпірінен және көршілес мемлекеттерден келген 3 мыңнан астам оқушы бас қосты. Бұл шамамен 400 команда. Әрқайсысы - озық технологияның тілін білетін өнертапқыш. Оның ішінде Астанадан келген Әлинұр да бар. Ол өз командасымен бірге құрастырған роботын жарыс алаңына алып шығып, қарсылас роботтармен шайқасқа дайындап отыр.