Астанадағы жаңа жылдық шырша ең биік шыршалар ондығына енді

Астананың жаңа жылдық шыршасы ТМД-дағы ТОП-10 ең биік шыршалар қатарына енді.Тізімді қазақстандық екінші қала  - Алматының да орман сұлуы толықтырды. Достастық елдеріндегі ең биік жаңа жылдық шыршалары бар қалалардың ондығында Ашхабад көшбастап тұр. Шыршаның биіктігі – 44 метр. Кейін  Ереванда - 37, Ташкентте - 35 м, Бакуде - 34, Бішкекте - 32 м, Минскіде және Душанбеде - 30, Астана мен Мәскеуде - 25 м, Алматыда – 20 м болды. Айта кетейік, Қазақстанның басты жаңа жылдық шыршасы EXPO көрме орталығының аумағында орналасқан.