Creative Aimaq көрмесі өтті

Алтын Орданың тарихи мұрасы мен Ұлытау облысының креативті әлеуеті елордада таныстырылды. Екі күнге созылған «Qazaq Creative Hub» алаңында өткен «Creative Aimaq» көрме-жәрмеңкесі мәресіне жетті. Киелі өңірден келген 60-қа жуық шебер бірегей бұйымдарын ұсынып қана қоймай, тың цифрлық жобаларды да таныстырды

Көздің жауын алатын мына әдемі киімдердің авторы - Айдана Кашенова. Ол көпбалалы ана. Заманауи киімдерге ою-өрнекті биік талғаммен үйлестіре білетін шебер. Осыдан бір жыл бұрын мемлекеттен қолдау алып , өз ісін бастаған. Ендігі мақсаты - кәсібін үлкейту. Ал елордада өткен мына жәрмеңке ол үшін таптырмас мүмкіндікке айналды. Себебі, жәрмеңкенің алғашқы күнінен оның туындыларына қызыққандар аз емес. Кәсіпкер тіпті бірнеше тапсырыс та қабылдап үлгерген.