Қазақстанда цифрлық құқық саласындағы заң жобасы әзірленді
Бұл ел аумағындағы цифрлық майнингті реттеуге мүмкіндік береді, - дейді заң авторлары. Криптовалютаны заңды өндіру индустриясын нақты-құқықтық реттеу арқылы қосымша салық түсімдерін қамтамасыз етуге, сондай-ақ отандық IT саласының дамуына үлес қосуға болады. Осылайша, болжалды есептеулер бойынша 2028 жылдың соңына дейін мемлекеттік бюджет 600 миллиард теңгеге толығады. Сонымен қатар бұл құжат инвесторларлар қызығушылығын шикізат әлеуетінен өндіріс өнімдерінің айналымына қайта бағыттайды.
Екатерина Смышляева, ҚР Парламенті Мәжілісінің депутаты:
- Криптовалюта индустриясы салық түсімдерінің, жұмыс орындары мен жаңа технологиялардың қайнар көзіне айналуы тиіс. Индустрияны дамыту арқылы Қазақстан аумағында жоғары технологиялық қондырғылар мен дата орталықтарын қалыптастырамыз. Онда криптовалютамен қатар блокчейн технологиясына негізделген салалық шешімдерді де өндіруге болады.
