Қазақстандық әскери қызметшілер халықаралық оқу-жаттығуларға қатысады
Қазақстандық әскери қызметшілер
биыл 35 шетелдік тактикалық оқу-жаттығуға қатысады, олардың алтауы республикада
өтеді. Жалпы Қорғаныс министрлігінің ақпараты бойынша елімізде 160-тан астам
жедел және 70 мыңнан астам жауынгерлік даярлық шараларын өткізу жоспарланған.
Әскери қызметшілер Қазақстандағы 33 жарысқа қатысып, 17 халықаралық тартысқа қатысады.
Бейіндік ведомствода негізгі күш-жігер жауынгерлік даярлықтың сапасын,
әскерлердегі моральдық-психологиялық ахуалды және барлық деңгейдегі басқару
шешімдерінің тиімділігін арттыруға бағытталатынын атап өтті.
Махамбет Құлбаев, ҚР
ҚК департаментінің аға офицері:
- Ең маңызды шаралардың
бірі «Бірлік» халықаралық оқу-жаттығулары болып табылады. Оқу-жаттығуға Әзербайжан,
Қырғызстан, Тәжікстан және Өзбекстан Қарулы Күштерінің контингенттері
шақырылды. Оқу-жаттығудың осындай форматы алғаш рет өткізіледі.
Оқу-жаттығуларда Тоқмақ мүйісі ауданы мен Каспий теңізінің акваториясы сияқты «Оймаша»
полигонында өтеді. Онда қарулы
қақтығысты оқшаулау мәселелері тәжірибе жүзінде пысықталатын болады.