Қазақстанға Жапонияның Сыртқы істер министрі келді

Бүгін Мемлекет басшысы сырттан келген меймандарды да қабылдады. Солардың бірі - Жапонияның Сыртқы істер министрі. Президент пен Такеши Ивая сауда-экономикалық, инвестициялық, көлік-транзит және мәдени-гуманитарлық салалардағы қазақ-жапон кеңейтілген стратегиялық серіктестігінің қазіргі жай-күйі мен даму перспективасын талқылады. Халықаралық құрылымдар аясындағы ықпалдастық жөнінде пікір алмасты. Қасым-Жомарт Тоқаев Жапония сыртқы саясат ведомствосының басшысына ілтипат білдіріп, оның Астанаға сапары екі ел арасындағы қарым-қатынасты арттыруға тың серпін беретінін айтты. Такеши Ивая қонақжайлық танытқаны үшін Қазақстан Президентіне ризашылығын білдірді.