Мемлекет басшысы Астананың энергетикалық инфрақұрылымын тексерді

Президент Қасым-Жомарт Тоқаев Астананың энергетикалық инфрақұрылымын тексерді. Атап айтқанда, үшінші жылу электр орталығының алғашқы кезегінің қызметімен танысты. Қазір нысанды қосымша отын қорымен қамтамасыз ету жұмыстары жүргізіліп жатыр. Ал, «Тұран» және «Оңтүстік-Шығыс» газ жылу стансалары шаһардың жылыту қуатын 30 пайыз ұлғайтты. Биыл «Тұран» стансасының екінші кезегін толығымен аяқтау көзделіп отыр. Сондай-ақ, «Телман» және «Оңтүстік-Батыс» стансаларын жобалау жоспарда бар. Бұл жобалар 2035 жылға дейін жоспарланған қосымша жылу энергиясын алуға мүмкіндік береді. Президент Астананың энергетикалық инфрақұрылымын одан әрі дамытудың маңызына назар аударды.