Отандық өндірісті дамыту - басты міндет

Қашағанда жылына 1 млрд текше метр  газ өңдейтін алып  зауыт салынып жатыр. Бүгін оның құрылысымен Премьер-министр Олжас Бектенов танысты. Әзірге жұмыстың 11 пайызы ғана бітіп тұр. Үкімет басшысы кәсіпорын құрылысының қарқынын жеделдетіп, 2026 жылға дейін аяқтауды тапсырды. Сондай-ақ, Премьер-Министр полипропилен өндіретін зауытта болды. Интеграцияланған кешен – жылына 500 мың тонна өнім шығара алатын елдегі бірегей кәсіпорын. Зауытта шикізат терең өңдеуден өтеді. Құрылыс, медицина, автомобиль жасау, азық-түлік және тоқыма өнеркәсібі салаларында таптырмайтын 10 полипропилен маркасы шығарылады. Ішкі нарық түгел қамтылмақ. Отандық тауарлардың бағасы да екі арзан болады.