Президент Американың ірі бизнес өкілдерімен кездесті

Қазақстан Boeing компаниясынан жаңа ұшақтар сатып алады. Осылайша Air Astana және SCAT әуе компаниялары авиация паркін жаңартпақшы. Мұндай келісім Президенттің АҚШ-тың ірі бизнес өкілдерімен өткен «дөңгелек үстелден» кейін жасалды. Жалпы Мемлекет басшысының АҚШ-қа сапары аясында қазақстандық компаниялар әлемнің ірі корпорацияларымен құны 5,2 миллиард доллар болатын 11 құжатқа қол қойды. Бұл келісімдер көлік-логистика, энергетика және ақпараттық технологиялар сияқты стратегиялық  маңызды салаларды қамтиды.