«Таза Қазақстан»: 1600-ден астам сенбілік ұйымдастырылды

Тараз қаласының туған күніне орай «Таза Қазақстан» акциясы өтті.  Қала жастары алдымен ірі көше бойындағы ескерткіштер мен саябақтарды, су арналарын тазартты. Күл-қоқысын шығарып, жасыл желекті абаттандырды. Акцияның басты мақсаты – тек сенбілікке шығу емес, экологиялық сана қалыптастыру. Мамандар бұл іс-шараны тек бір күндік науқан емес, қоғамдық мәдениеттің бастауы дейді. Айта кетейік,  Жамбыл облысында  «Таза Қазақстан» акциясы басталғалы 1600-ден астам сенбілік ұйымдастырылып, оған 214 мыңнан астам адам атсалысқан.