ТЖМ қызметкерлері тасқа қашалған мүсін тапты

Құнды, ерекше жәдігерді Ақмолалық төтенше жағдайлар бөлімінің қызметкерлері тауып алды. Тарихи олжа – тасқа қашалған адамның беті. Қазір археологтар екі болжам айтып отыр. Бір топ «бұл қола дәуірінен қалған мүсін» десе, ал, енді бірі түркі кезеңіне жатқызады. Қазір әлемнің түкпір-түкпірінен келген ғалымдар тастағы адам бейнесін зерттеп жатыр. Ресейлік мамандардың сөзінше, артефакт, Сібірде табылған тарихи мүсіндерге ұқсас.