Жаңа Конституцияны түсіндіру жөніндегі жоспар бекітілді

Конституция мәтінін басып шығару және тарату мүгедектігі бар адамдар үшін бейімделген форматта әзірленіп, электронды платформаларда орналастырылады. Бүгін Үкімет жаңа Конституцияны түсіндіру жөніндегі іс-шаралар жоспарын бекіткенін хабарлады. Оған сәйкес, оқыту семинарлары мен білім беру іс-шараларын өткізу тетігі өзгеріп, «Құқық негіздері» және «Заң мен тәртіп» курстары жаңадан әзірленбек. Сондай-ақ, елдегі мектеп және жоғары оқу орындарындағы білім беру бағдарламаларының мазмұны жаңарады. Ғылыми-сараптамалық қамтамасыз ету, тақырыптық материалдар шығару, көрме және ағартушылық жобаларын жүзеге асыру бойынша іс-шаралар да жоспарланған. Бұл жұмыстардың барлығы ұйымдастыру шаралары, ақпараттық-түсіндіру жұмыстары және Конституцияның орындалуын құқықтық қамтамасыз ету сынды үш бағыт бойынша іске асырылады. Яғни, 36 іс-шараны қамтиды.