Жаңа мектептер пайдалануға беріледі

Алматыда жаңа оқу жылында бірнеше «Жайлы мектеп» ашылады. Соның бірі №97 мектеп-гимназиясы. Бұрын апатты жағдайда болған. Ғимарат толығымен күреліп, қайта тұрғызылған. Оқу ордасында 1 мыңға жуық бала білім алатын болады. Үкімет басшысы Халықаралық білім беру корпорациясының жұмысымен де танысты. Оның құрамында бірнеше оқу орны бар. Ғылыми-өндірістік кешен тікелей 250-ден астам отандық және шетелдік компаниямен жұмыс істейді. Бұл түлектерге кәсіпорындар талап ететін дағдыларды меңгеруге мүмкіндік береді. Қазір мұнда тағы 480 орынға арналған жаңа заманауи мектеп, сондай-ақ 345 орынды жатақхана салынып жатыр.