2 мың адам әскери резервке шақырылады

Биылдан бастап ерікті түрде 2 мың адам әскери резервке шақырылады. Мақсат – мобилизациялық машықты жетілдіру. Сенат құжатты екі оқылымда талқылап, түбі бекітті. Енді заңға сәйкес резервтегі әскерилермен 3 жылға келісім шарт түзіледі. Оқу жылына 60 күннен аспайды. Әр айда 3 күн жаттығу жасайды. Әлбетте кез-келген адамды сапқа тұрғызбайды. Үміткер мерзімді әскери қызмет немесе әскери кафедраны бітіруі тиіс. Қатардағы сарбаз бен сержанттардың жасы 47-ден аспауы керек. Офицерлік құрамға 57 жасқа дейінгілер алынады.