Астанада «Көшпенділер әлемі» этноауылы ашылды

«Қазанат» ипподромының маңындағы 10 гектар алқапта «Көшпенділер әлемі» этноауылы ашылды. Бұл жерде Елорда тұрғындары мен қонақтары қазақ халқының ұлттық мұрасымен, мәдениетімен таныса алады.

Этноауыл - киіз үйлерден құралған қарапайым кешен емес. Керісінше, түбі бір түркі жұртының тарихынан сыр шертетін, Қазақстан халқының бай мұрасы мен көшпелі қазақтардың мәдениетімен терең таныстыратын көрме.