«Edubridge»: Павлодарда халықаралық еріктілер форумы өтті

Биыл – Халықаралық Еріктілер жылы. Осыған орай Павлодарда халықаралық волонтерлер форумы өтті. Алқалы жиынға Беларусь, Әзербайжан, Қырғызстан және Өзбекстан сынды елдерден келген делегациялар қатысты. Басқосудың мақсаты – халықаралық ынтымақтастықты нығайту, тәжірибие алмасу және инклюзивті білім беруді дамыту.

Үш күнге созылған форум еріктілермен қатар, игі істің басы-қасында жүрген азаматтарды бір алаңға тоғыстырды. Қатысушылар өзара пікір алмасып, тың тәжірибиелерімен бөлісті. Шетелдік қонақтармен серіктестік байланыс орнап, бірлескен жобалар қолға алынды.

Нишана Жэналиева, волонтер (Қырғызстан):

- Форум мазмұнды әрі пайдалы өтті. Жаңа орта қалыптасып, ортақ жобаларды жүзеге асыруға мүмкіндік туды. Бішкекке барған соң, осы бастамаларды жалғастырамыз.

Инклюзивті білім беру – форумның негізгі бағыты.  Жиында сарапшылар ерекше білім беру қажеттілігі бар балаларды қолдау, инклюзивті ортаны дамыту жолдары талқыланды.