Елдегі елеулі өзгерістер

Биыл ел экономикасы 5 пайызға өседі. Ол туралы Президент Түркі мемлекеттері Парламенттік ассамблеясына мүше елдер парламенттерінің спикерлерімен кездесуде айтты. Мемлекет басшысы мәртебелі меймандарға Қазақстанда жүзеге асырылып жатқан саяси және әлеуметтік-экономикалық реформалар жөнінде айтты. Былтыр еліміздің жалпы ішкі өнімі шамамен 290 миллиард долларға жетті. Қазір ірі инфрақұрылым жобаларын жүзеге асыру, жаппай цифрландыру және жасанды интеллектіні дамыту, ауыл шаруашылығына жан-жақты қолдау көрсету, көлік-логистика саласының әлеуетін арттыру бойынша белсенді жұмыс жүргізіліп жатыр. Сондай-ақ, Қасым-Жомарт Тоқаев «Заң мен тәртіп» қағидатына негізделген Әділетті Қазақстан құруды түпкі мақсатымыз деп атады.