Картопты қымбат сатқандар анықталды

Ақмола облысында картопты негізсіз қымбаттатқан кәсіпкерлер анықталып, оларға әкімшілік шара қолданылды. Аймақтағы 4 сауда орнында көкөніс бағасы белгіленген 15 проценттік үстемеден қымбат саудаланған. 16-дан 34 пайызға дейін қосылған. Осылайша, бір келісі 290-350 теңге аралығында сатылған. Соның салдарынан 9 кәсіпкер әкімшілік жауапкершілікке тартылды. 7-не ескерту жасалды, ал екеуіне 10 айлық есептік көрсеткіш көлемінде айыппұл салынды. ¤¤