Қазақстандық ұшқышсыз ұшу аппараттары экспортқа шығарылады

Отандық ұшқышсыз ұшу аппараттары экспортқа шығарылады. Қазақстан мен Сербия елдері осыған мүмкіндік беретін ынтымақтастық туралы келісімге қол қойды. Еліміздің Индустрия және инфрақұрылымдық даму министрлігіндегілер бұл қазақстандық өнімнің шетелдік өндірушілермен бәсекеге түсе алатындығының айқын белгісі екенін айтады. Сондай-ақ, құжат аясында тараптар әскери техникалық құралдарды бірлесе өндіру бойынша бірқатар келісімге тұрды. Алдағы уақытта Қазақстан мен Сербия кәсіпорындары 82 және 120 мм калибрлі зымыран-артиллериялық оқ-дәрілері мен минометтерді құрастыратын болады.

Авторы: Жеңіс Ермұқанов