Президент Abu Dhabi Ports Group компаниясының басқарушы директорымен кездесті

Ақтау және Құрық порттарын дамыту – Қазақстанның стратегиялық мақсаты. Бұл тралы Қасым-Жомарт Тоқаев Abu Dhabi Ports Group компаниясының басқарушы директоры Мұхаммед Жуму әл-Шамисимен кездесуінде мәлімдеді. Мемлекет басшысы Қазақстан мұнайын Орта дәліз арқылы Әзербайжанға тасымалдау жөніндегі ынтымақтастыққа оң баға берді. Тараптар көлік-логистика саласындағы бірлескен жұмыстың келешегін де талқылады. Атап айтқанда, Қасым-Жомарт Тоқаев Еуразияны Шығанақпен, Африкамен және Үндістанмен байланыстыратын «Солтүстік – Оңтүстік» бағдарының әлеуетін пайдалану жоспары туралы айтты. 2027 жылға қарай аталған бағыттың жүк өткізу қабілеті кемінде 70 процентке  артып, 9 миллион тоннадан 15 миллион тоннаға дейін ұлғаюға тиіс. Осыған байланысты президент «Қазақстан темір жолы» ұлттық компаниясы мен Abu Dhabi Ports арасында бірлескен кәсіпорын құру жөніндегі уағдаластықты ерекше атап өтті.