Президент EDF басшысы Бернар Фонтананы қабылдады

Қасым-Жомарт Тоқаев Electricité de France компаниясының басқарма төрағасы және бас атқарушы директоры Бернар Фонтананы қабылдады. Бұл компания төмен көміртекті және атом энергетикасы  бойынша әлемде үздік саналады. Президент еліміздің француз компаниясымен өзара ықпалдастықты нығайтуға ерекше мән беретініне тоқталды. EDF басқарма төрағасының айтуынша, компания орнықты және заманауи энергетикалық инфрақұрылым бойынша байланыстарды одан әрі жандандыруға ниетті.