Президент Мәскеуде Қызыл алаңдағы парадқа қатысты

Президент Мәскеуде өткен Ұлы Жеңістің 80 жылдығына арналған әскери парадқа қатысты. Алдымен Қасым-Жомарт Тоқаевты Ресей Президенті Владимир Путин Кремльде қарсы алды. Бұдан соң Мемлекеттер басшылары Қызыл алаңға беттеді. Шеруде Қазақстан Қарулы Күштерінің сарбаздары жүріп өтті. Атап айтқанда, Кеңес Одағының Батыры, генерал-майор Иван Панфилов атындағы Десанттық-шабуылдау әскері 37-ші бригадасының жауынгерлері қатысты. Салтанатпен сап түзеген қазақстандық 80 сарбазды полковник Алмас Төлегенов бастап жүрді. Президент оларға құрмет көрсетті. Сонымен қатар, Қасым-Жомарт Тоқаев белгісіз жауынгердің бейітіне гүл шоғын қою рәсіміне қатысты.