Шетелге кеткен капиталды қайтару жөніндегі комиссия құрылды

Қазақстанда шетелге кеткен капиталды қайтарумен айналысатын арнайы комиссия құрылды. Оның аясында бес Жұмыс тобы әрекет етеді. Бұл туралы Премьер-министр  Әлихан Смайыловтың төрағалығымен өткен  кеңесте белгілі болды. Ынталандыру шараларының біріне сәйкес    валюталық түсімнің 80%-іне айырбас жасалған жағдайда, қайтаруға ұсынылған қосымша құн салығы жеңілдетілген тәртіппен өтелуі мүмкін. Ал резидент еместерге дивидендтер төлеу кезінде  салықтық жеңілдіктер жойылады.

Сондай-ақ «Трансферттік баға белгілеу туралы» заңды жетілдіруге бағытталған нормалар дайын. Үкімет басшысы Әлихан Смайылов комиссия жұмысының қорытындысы бойынша тиісті ұсыныстар Мемлекет басшысына жолданатынын жеткізді.