Терроризмді қаржыландыруға қарсы күрес саласындағы халықаралық ынтымақтастық

Бүгін, сондай-ақ мемлекет басшысы «Эгмонт» қаржылық барлау бөлімшелері тобының төрағасы Эльжбета Франков-Яскевичті қабылдады Кездесу барысында ақшаны жылыстатуға және терроризмді қаржыландыруға қарсы күрес саласындағы халықаралық ынтымақтастықтың өзекті мәселелері талқыланды. Қасым-Жомарт Тоқаевтың айтуынша, Қазақстан «ақшаны жылыстатуға қарсы» ұлттық жүйесін халықаралық стандарттарға сай одан әрі жетілдіруге ниетті. Сондықтан қоғамдық қауіпсіздікті нығайту мақсатында елімізде «Заң және тәртіп» тұжырымдамасы қабылданып, жұмыс жүргізіліп жатыр. Эльжбета Франков-Яскевич өз кезегінде Қазақстанда жүргізіліп жатқан реформаларға жоғары баға беріп, оның тиімділігін атап өтті.