Түркістан облысы: 948 референдум учаскесі жұмыс істейді

Түркістан облысында алдағы саяси науқанға дайындық қызу. Биылғы референдумда өңір бойынша 1 миллион 200 мыңға жуық азамат дауыс беру құқығына ие. Тұрғындардың өз таңдауын жасауы үшін облыс көлемінде 948 референдум учаскесі жасақталған. Барлық учаскелер қажетті құрал-жабдықтармен толық қамтылған. Мүгедектігі бар азаматтарға қолайлы жағдай жасалған. Ал науқанның ашық әрі әділ өтуін 17 аумақтық комиссия қадағалайды. Олардың құрамында 119 маман бар. Айта кетерлігі, комиссия мүшелерінің 90 пайызы – бұған дейінгі сайлау науқандарына қатысып әбден ысылған, тәжірибелі мамандар.