Жаңа көлік құрастыру зауыты ашылды

Енді азаматтар автокөлікті лизингпен де ала алады. Президент таяуда Үкіметке экономикалық ахуалды тұрақтандыру үшін нақты тапсырмалар берген болатын. Сол тапсырмалардың бірі – көліктердің халыққа мейлінше қолжетімді болуы. Енді, міне, бүгін Қасым-Жомарт Тоқаевтың қатысуымен Қостанайда KIA Qazaqstan автомобиль зауыты ашылды. Компания әлемдік озық талаптарға сай көліктер шығарып, сыртқы нарыққа да экспорттайтын болады. Зауыт жылына 70 мың көлік жинауға қауқарлы. Тартылған инвестиция – 131,5 млрд теңге. Кәсіпорында 1 500 жұмыс орны ашылған. Жалпы, KIA – қазақстандықтар ең көп сатып алатын көлік маркаларының бірі.