2022 жылы Қазақстандағы өнеркәсіп өнімінің көлемі 50 трлн теңгені құрады

Бұған Ұлттық статистика бюросының мәліметтері дәлел. Өсім әсіресе, Ақмола, Абай және Жамбыл облыстарында байқалды. Салалар бойынша өсім химия, жеңіл және өңдеу өнеркәсібі, тамақ өнімдерін өндіру және мұнай өңдеу, сондай-ақ машина жасау өнеркәсібіне тиесілі. Сонымен қатар ең көп өсім өсімдік және жануарлар майлары мен тоң майларды өндіруде байқалды.

Айта кету керек, 2021 жылы Қазақстанда өнеркәсіп өндірісі 4% дерлік артты. Бұған негізінен отандық өңдеу өнеркәсібінің өсуі есебінен қол жеткізілді, тіпті, коронавирустық пандемия жағдайында да өндіріс көлемі ұлғайған.